Minnesota(Dawan):-Waxaa si wayn uga socota magaalada Minnesota ee dalka Maraykanka qaban qaabada iyo u diyaar garawga xuska maalinta Qarannimada Somaliland ee 18-ka May,munaasibaddaas oo ay isugu imanayaan jaaliyadda Somalilamnd eek u dhaqan gobolo badan oo ka mid ah dalka Maraykanka ka dib markii Jaaliayadda Somaliland ee Minnesota ay noqotay jaaliyadda Marti geinaysa munaasibadda xuska maalinta qarannimada Somaliland ee 18 May, oo ah sannad guuradii 31 aad ee ka soo wareegtay maalintii lagu dhawaaqay la soo noqoshada madaxbannaanida Somaliland ee 18 May 1991.
Guddoomiyaha jaaliyadda Somaliland ee Minnesota Ismaaciil Axmed Jaamac(Sandheere) oo waraysi gaar ah siiyay wargeyska Dawan isagoo ku sugan Minnesota,ayaa ka hadlay qaban qaabada ay ugu jiraan xuska iyo waynaynta maalinta qarannimada Somaliland ee 18 MAY, iyo gobolada dalka Maraykanka ee la isaga kala imanayo.
Waxaa kale oo uu ka hadlay xubno ka tirsan dawladda Maraykanka ee heer Federaal iyo heer gobo lee ay ku casuumeen iyo xisbiyada Jamhuuriga iyo Dimuquraadiga oo ay xubno ka soo casuumeen.
Waxaanu xusay in sannadkan ay si wayn isu abaabuleen isla markaanay ay doonayaan in ay noqoto munaasibad ka wayn kuwii sannadihii hore ay ku xusi jireen maalita qarannimada Somaliland.
Guddoomiye Ismaaciil Sandheere oo ka jawaabayay su’aal laga waydiiyay sida ay ugu diyaar garoobeen xusbka maalinta qarannimada Somaliland ee ay ku qabanayaan Minnesota,ayaa ku jawaabay.” qaban qaabada debbaal degga maalinta qarannimada Somaliland ee 18 May waxay noo maraysaaa meel aaad u wanagsan waxaanan rejaynaynaaa inay noqoto tii ugu wanagsaneyd ee nasoo marta baryahaaas
Hadaan kaga waramo bulshada sanadkan aanu filaynaaa mid kabadan bushadiii sanadihii la soo dhaafay waaayo hadda waaanu ka sii badaney waxaaanan ku qiyaasi karaaa dad gadhaya illaa 1500 inay kor u dhaafayso.”
Mar uu ka jawaabayay su’aal laga waydiiyay in ay jiraan cid ka socota dawladda Maraykanka oo ay ku soo sacuumeen,ayuu yidhi. “waxaan casuunay madax heer gobal minnesota illaa heer fadaraaal senetka madax ka tirsan iyo congress ka Maraikanka iyo iyagoo isugu jira Republican and democratic ba.”
Guddoomiyaha jaaliyadda Somaliland ee Minnesota, oo wax laga waydiiyay socdaalkii Madaxweynaha Somaliland ku tegay dalka Maraykanku wuxuu jaaliyad ahaan usoo kordhyay,ayaa yidhi. “ horta socdaalkii madaxwaynaha Somaliland mudane Muuse Biixi Cabdi iyo weftigii ballaadhnaa ee uu hoggaaminayay ay ku yimaadeen USA. Wuxuu ahaaa socdaaal taariikhi ah oo sameeyey shucuurta reer Somaliland ee ku nool North American oo dhan gaar ahaaaan dadka reeer Somaliland American ka ah anigu waxaan ka mid ahaa dadkii toos u dhexjoogay marku weftiga Madaxwaynaha somaliland jogeen Washington DC. Safarkaa shaqo waa midda koobade ee Washington waa saaxada adduunka looga dabqaaado markaa ta koowaaad dee sharaf ayey noo aheyd Dowlad dayadiiii oo si sharafleh loo maamuusay oo magaciii Somaliland ayaa qabsaday wararka oo annaga farxad iyo ayey nagalisay oo war keeniii baaa headline ka ku jiray oo madaxdii dalkan u sarreysay in ogayd iyo in aan ogeynba la gaadhsiyey waxaaanan ka faa’iidnay isku duubnaan ka badan safarkaaa hadaan ku soo laabto nuxurka su aasha Communety balladhan oo Somaliland American ah oo lagu xisaabtamo iyo iyaga iyo dowlada Somaliland oo ku kala yimid wada shaqeyn iyo kala faa’iidaysi labada dhinac jaaliyad ahaanna waxay noo noqotay meel la isku arkay waxaan odhankaraaa dhiiri gelin wadaniyad ah,Ayaan ka helnay.”
Mar uu ka hadlayay jaaliyadda reer Somaliland ee Maraykanka siday ula dhaqanto dawladda Washigton,ayuu yidhi. “ kollay halkan guud ahaaan jaaliyad walba sideeeda ayaa loo citiqaaadiyaaa waanay ogyihiin in aanu laba jaaliyadood oo kala dawlad iyo kala dalal ah aanu nahay anaga(Jaaliyadda Somaliland) iyo jaaliyadda Soomaaliya, sumadayada aanu ugu diiwaaan gashannahay waa Somaliland’s markaa dalkan waa loo simanyahay jaaliyadaha ku dhaqana way badan yihiiin markaaa ta Somalia na sidaaa jaaliyadaha kale ayuun baaa dawlada maraykanku ula macaamishaaa anagana as Somaliland waxay dawladu ula macaaaamishaaa sida jaaliyadaha xuquuq bay jaaliyad waliba leedahay xataaa xisbiyda Jamhuuriga iyo DImuquraadigu way naga soo radsadaaan as Somaliland’s cod.”
Mar uu ka hadlayay siday ugu diyaar garoobeen ka jaaliyad ahaan in ay ka dhex muuqdaan siyaasadda dalka Maraykanka isla markaana ay ka qayb galaan doorashooyinka deegaanada ee Maraykanka,ayuu yidhi. “ dedaalka jaaliyadaha ayuun bay ku xidhanthay anagoo ah Somaliland ayuu albaab waliba noo furanyahay wana laga yabaaa inay sameyn dheerada yeeelato mustaqbalka fog
Dad cadcad oo hankoodu sarreeya way jiraaan oo isu diyarinaya jagooyin heer dagaan illaaa heer fedaralba inay u tartamaan laakiin hal gabadh ayaan illaa hada ogahay oo cadeysatay Lakiin waan rejaynaynaaa inay insha ALLAH dhallinyaro hablo iyo innamo ba leh ayaa hada hankoodu aad u sareeeya.”
Ugu dambayn waxaa uu ka hadlay siduu u qabsoomayo xuska munaasibadda maalinta qarannimada Somaliland ee 18,May Minnesota waxaanu xusay in laba debbaal deg u kala qorsheeyeen oo kala ah mid kulan hotel wayn ay ku qabsanayaan oo Jimcaha 20 bisha ay qabanayaan oo la isugu imanayo jaaliyadda reer Somaliland iyo xubnaha ay dawladda iyo siyaasiyiinta ka casuumayaan ba ay kulankaa xuska qabanayaan isla markaana ay war baahinta caalamiga ahna ku soo casuumayaan.
Waxaa kale oo uu intaa raaciyay in maalinta Sabtida na ay barxadaha caanka ah ee magaalada ay ku qabsanayaan kulan wayn oo ay isugu soo baxayaan isla markaana ay baabuurtooda ku soo xidhayaan calanka Somalilad isla markaana illaa carruurta ay isugu soo baxayaan.
Waxaanu farriin u diray jaaliyadda reer Somaliland. “Waxaan Leeyahay dhamaaan qurba joogga reer Somaliland waxaa la inugu xantaa way kala socdaan aan isku duubnaano waliba gaar ahaan ayaamaha muqadaska, annagu minnesota waan dhanaaa sidii hore sanadkan waxaaad moodaa masiibadii suuqa Waaheen inay dadkii midaysay waxaaanse ku farxsanahay inaanu sanadkan xisbi iyo qoloqoloba aan daaaqada ka saarnay. Illaaa gurmadkiii Waaheen illaaa 18.May in aanaan u kala hadhin,reer Somaliland waxaan Leeyahay waxaynu nahay hal umad hal dad oo leh hal dal inagoo ku farxsan inaynu labada walaalaha ahi kala xisbi ay noqon karaan hadana aynu u midaysnaano guusha Qarankeenna Somaliland.”