Xiddiga Ousmane Dembele ayaa diyaar u ah in uu ku biiro kooxda chelsea suuqa xagaagan laakiin hal shardi ku xidhay ku biirista Blues sida ay sheegayaan wararku.
Xiddiga Ousmane Dembele oo xor ah ayaa lala xidhiidhinayaa kooxda chelsea iyada oo uu Tuchel doonayo in uu ku xoojiyo kooxdiisa ka hor bilaabashada xilli ciyaareedka cusub.
Sida laga soo xigtay The Sun, Ousmane Dembele ayaa diyaar u ah in uu ku biiro Blues xagaaga laakiin waa hadii uu Thomas Tuchel u balan qaado in uu joogto ugu ciyaari doono kooxda.
Ousmane Dembele ayaa la filayaa in uu isaga tago kooxda Barcelona oo uu aad ugu dhibaatooday xilli ciyaareedkii hore kadib markii uu kaliya 9 kulan dhamaystay ciyaaraha kooxda.
Xiddiga Ousmane Dembele ayaa lala xidhiidhinayaa in uu isaga tagayo Barcelona inkasta oo uu Xavi doonayo in uu sii joogo kooxda heshiis cusub-na laga saxiixo.
Kooxda.com ayaa xusaysa in ay Ousmane Dembele iyo Thomas Tuchel ka soo wada shaqeeyeen kooxda Borussia Dortmund
