Jack Ma oo dalka China ka soo jeeda wakhtigan waa ganacsadaha ugu taajirsan qaaradda Aasiya, waana ninka 14aad ee dunida ugu maalqabeensan. Jack Ma sanadkan 2017 ayuu kaalinta labaad ka galay abaal marinta la siiyo 50 hogaamiye ee dunida ugu wanagsan oo lagu bixiyo Newyorka ee dalka Maraykanka. Jack Ma waa asaasaha Websiteka Ali Baba waxaana hantidiisu sanadkan ay gaadhay 500 Billion doller, sida la shaaciyay.
Jack Ma wuxu noqday ganacsatada ugu waaweyn dunida uguna saamaynta badan.
Jack Ma intii aanu abuurin shaqadiisan wuxu codsaday soddon shaqo oo kala duwan in laga shaqaaleeyo laakiin dhamaantood waa laga diiday in la shaqaaleeyo, taasi ayaa ku dhalisay in sanadkii 1995 markii uu Inernetku sida weyn u faafay inuu bilaabo website Ali Baba. Mar uu ka waramay fikirkan waxa ku dhaliyay wuxu yidhi “ waxaan shaqo u doontay shirkad magaaladayda ku taalla KFC waxay qaadatay 23 shaqaale anigua waxaan ahaa kan keliya ee ay diiday inay hawlgeliso, wakhtigaasi waxaan goostay inaan sameeyo hawl aniga ii gaar ah, waana fikirka bar bilwoga u ahaa maalqabeen inaan noqdo.