Graham Potter ayaa diiday in uu qaato masuuliyada qaab ciyaareedka fiican ee Pierre-Emerick Aubameyang ee Chelsea waxana uu rajaynayaa in uu wax badan ka yimaado xiddiga No.9 wakhtiga soo socda.
Xiddiga 33 jirka ah ayaa dhaaliyay gool kulankii 3-aad oo xidhiidh ah kulankii ay chelsea 2/0 ku garaacday kooxda Ac Milan.
Xiddiga Aubameyang oo ku soo biiray chelsea maalintii ugu dambaysay suuqii xagaaga ayaa muujiyay in uu wali hogaamin karo weerarka Blues kadib markii uu wacdaro dhigay kulamadii ugu dambeeyay.
Markii la weydiiyay uu isaga qaab ciyaareed fiican ka soo saaray xiddiga Potter ayaa yidhi”Maya, wax khaas ah umaanu samayn isaga ayaa amaanta oo dhan leh”.
“Waxa uu dhisayay jidhkiisa iyo taam ahaanshihiisa, qaab ciyaareedkiisa fiicana waxa sabab u ah taam ahaanshihiisa”ayuu sii raaciyay.
“Cid walba way ogtahay tayadiisa waxana uu u muuqdaa in uu ku raaxaysanayo kubada cagta waxana uu dhalinayaa goolal muhiim ah”.
