Hargeysa (Dawan)- Komiishanka Doorashooyinka JSL ayaa shalay magaalada Hargeysa tababar ugu furay isla markaana dhaariyey tababarayaashii tababarayey shaqaalaha ka shaqaynaya goobaha Kaadh-qaybinta Codbixiyeyaasha JSL.
Hawlwadeenadan Komiishanka ayaa ka shaqayndoona wejiga koowaad ee kaadh-bixinta codbixiyeyaashii la diiwaangeliyey ee gobolada Awdal, Saaxil iyo Sanaag.
Afhayeenka Komishanka Doorashooyinka C/casiis Xirsi Warsame iyo Komishineer Xuseen Cabdi Cali (Badhaani) oo kulanka ka hadlay ayaa kula dardaarmay tababarayaasha kulanka loo qabtay inay xilkooda u gutaan sida ugu daacadsan.