Baligubadle( Dawan)Cuqaasha Waxgaradka Dhallinyarada iyo Haweenka Gobolka Hawd ayaa sheegay inay lama taabtaantahay Qaranimada Somaliland iyo Nabadgelyadu.
Cuqaasha Waxgaradka dhallinyarada iyo Haweenka gobolka Hawd oo shalay Warbaahinta qaranka kula hadlay Magaalada Baligubadle ayaa waxa ay ku baaqeen in meel looga soo wada jeedsado adkaynta Xasiloonida dalka,waxaaana ay soo dhaweeyeen go,aankii Koomishanka Doorashooyinka qaranka ee qabsoomida Doorashooyinka Ururada Siyaasada iyo Madaxtooyadda.
Mid ka mid ah Waxgaradka gobolka Hawd ee halkaa ka hadlay ayaa waxa uu sheegay in ay soo dhawaynayaan go,aankii ay ku dhawaaqeen Koomishanka Doorashooyinka ee qabashada Doorashooyinka.Waxaana uu yidhi”Hadaanu nahay Bulsho weynta Gobalka hawd waxa aanu taageeraynaa Nabedgalyada iyo gooni isku taaga qaranimada Somaliland,waxa kale oo aanu taageeraynaa go,aankii ay ku dhawaaqeen Koomishanka Doorashooyinka qaranka ee qabashada Dooraashada Ururada Siyaasada iyo Madaxtooyadda.waxa aanu Cambaaraynaynaa cid kasta oo ka soo horjeeda qaranimada Somaliland, Xukuumadda sharci ayay ku timid xoog inagumay qabsan waynu dooranay,”.
Sidoo kale mid ka mida Cuqaasha iyo Waxgaradka Gobalka hawd ayaa waxa uu usoo jeediyay in la wada ilaashado nabedgalyada.Waxaana uu yidhi”Nabedgalyada Somaliland waalama taabtaan waxaana aanu leenahay hadaanu gobalka hawd hala wada ilaashado nabedgalyada, waxaana aanu taageeraynaa mudadii Koomishanka Doorashooyinka u cayimeen qabsoomida doorashooyinka,
