Shiinuhu wuxuu bedelay laba hogaamiye oo ka tirsan unug caan ah oo maamula hubkiisa nukliyeerka, General Li Yuchao oo madax ka ahaa qaybta Ciidanka Gantaalka ee waxa loo yaqaano (PLA) ama Ciidanka Xoraynta Shacabka iyo ku xigeenkiisa ayaa la la’aa muddo bilo ah.
Ku xigeenkii hore ee ciidamada badda Wang Houbin iyo Xu Xisheng oo xubin ka ah golaha dhexe ee xisbiga ayaa loo magacaabay bedelkoodii.
Tani waa ruxitaankii ugu waynaa ee aan qorshaysnayn ee hoggaanka milatariga ee Beijing ku dhaqaaqo ku dhowaad muddo toban sano ah.
“Sifayntani waa muhiim Shiinuhu wuxuu sameynayaa mid ka mid ah isbeddelada ugu qoto dheer ee istiraatiijiyadda nukliyeerka muddo tobanaan sano ah,” ayuu yidhi Lyle Morris, oo ah xubin qaabilsan siyaasadda arrimaha dibadda iyo amniga ee Machadka Siyaasadda Bulshada Aasiya.
“Xi Jinping wuxuu xoojinayaa xakamaynta PLA siyaalo aan hore loo arag, laakiin taasi macnaheedu maaha inay dhamaystiran tahay. Xi wuxuu wali ka walaacsan yahay musuqmaasuqa safafka wuxuuna muujiyay in daacadnimada buuxda eexisbiga aan weli la gaadhin,” ayuu yidhi. .
Mr Xi ayaa sidoo kale ah gudoomiyaha gudiga hogaanka sare ee militariga Shiinaha.
Kulan uu qabtay dabayaaqadii bishii hore, Mr Xi waxa uu ku nuuxnuuxsaday baahida loo qabo in xoogga la saaro dadaallada “wax ka qabashada arrimaha muhiimka ah ee ay wajahayaan ururada xisbiga heerarkooda kala duwan, sida in la ilaaliyo hoggaanka saxda ah ee xisbiga ee dhanka ciidamada”, sida ay sheegtay warbaahinta dowladda Shiinaha.
ISHA
Beddelka hogaamiyayaasha Ciidanka Gantaalka ayaa calaamad u ah ruxitaankii ugu weynaa ee aan caadiga ahayn ee ka dhaca hoggaanka milatariga ee Beijing ku dhowaad muddo toban sano.
Beijing kamay hadlin halka ay ku danbeeyeen Gen Li iyo ku xigeenkiisa General Liu Guangbin, balse warbixin lagu daabacay South China Morning Post todobaadkii hore ayaa sheegtay in guddiga la dagaalanka musuqmaasuqa uu bilaabay baadhitaan lagu sameynayo labada nin iyo sidoo kale ku xigeenkii hore ee Gen Li. Zhang Zhenzhong.
Warbixintu waxay soo xigatay laba ilood oo aan la magacaabin.
Magacaabida cusub ee Mr Wang’s iyo Mr Xu ayaa timid maalin ka hor sanadguuradii 96-aad ee ka soo wareegtay aasaaskii PLA ee 1da Agoosto. Waxaa looga dhawaaqay xaflad ka dhacday xarunta guddiga ee magaalada Beijing.
Wang Houbin iyo Xu Xisheng waxa laga dalacsiiyay darajada Sarreeye Guuto ilaa Janaraal buuxa taas oo dalka Shiinaha ka dhiganaysa darajada ugu sarraysa ee saraakiisha adeegga firfircoon.
Mr Morris ayaa sheegay in dhicitaanka Gen Li, oo ay weheliso beddelkii dhawaan wasiirkii hore ee arrimaha dibadda Qin Gang, waxaanay soo bandhigayso mid ka mid ah caqabadaha ugu waaweyn ee hoggaamineed ee Mr Xi muddooyinkii u dambeeyay.
Mr Qin waxa uu ka maqnaa ballan qaadyada dadweynaha muddo bil ah ka hor inta aan lagu bedelin, iyada oo aan la sharraxin, oo uu beddelay Wang Yi oo isaga ka horreeyay todobaadkii hore.
Sannadkii 2014-kii, sifayn ballaadhan oo ka mid ah darajooyinka millatariga Shiinaha ayaa timi, waxaana xilka laga tuuray guddoomiye ku xigeenadii hore ee Komishanka Dhexe ee Militariga Xu Caihou iyo Guo Boxiong, laguna soo oogay dacwad musuqmaasuq. Guo waxa ay maxkamad milatari ku xukuntay xabsi daa’in, halka Xu uu dhintay ka hor inta aan maxkamad la saarin.