Booliiska magaalada New York ayaa xidhay arday wax ka baranayay jaamacadda Cornell oo lagu eedeeyay in uu hanjabaado rabshado wata u diray dad ay isku fasal ahaayeen oo Yahuud ah dhamaadkii isbuucii hore.
Qoraalo isdaba joog ah oo uu soo dhigay mareegaha lagu magacaabo Greekrank, isticmaale sita magaca “xamaas” ayaa ku hanjabay in uu toogan doono ardayda Yuhuuda ah ee dhigta jaamacada caanka ah ee Cornell oo New York ah.
Patrick Dai, oo 21 jir ah, waxa uu ku jiraa sannadkii saddexaad ee jaamacadda.
Booliska ayaa sheegay in uu ku hanjabay in uu qori la iman doono jaamacadda uuna kufsan doono dumarka Yuhuuda ah iyo “inuu qoorta ka goyn doono ilmo kasta oo Yuhuudi ah”.
Mr Dai ayaa waxaa FBI-da ku soo oogtay inuu ku hanjabay inuu dili doono ama dhaawacayo qof kale isaga oo isticmaalaya isgaadhsiinta loo yaqaano Interstate communication ama isgaadhsiinta u dhexaysa dowlad ama State-ka.
Dembigaa wuxuu muteysanayaa ilaa shan sano oo xadhig ah. Waxaa lagu wadaa in Arbacada uu ka soo muuqdo maxkamad ku taal Syracuse.
Saraakiisha ayaa sheegay in uu soo dabacay in uu qorsheynayay in uu weeraro dhismo jaamacada ku ag yaal oo ah goob laga cunteeyo oo u gaar ah Yuhuuda.
Guddoomiyaha gobolka Kathy Hochul, oo booqatay xerada Cornell isniintii, ayaa sheegtay inay “ay ka go’an tahay inay la dagaalanto nacaybka iyo eexda meel kasta oo ay madax kor uga qaaddo”.
Wargeyska Cornell Daily Sun,oo ah wargeyska kuleejka, ayaa ka warbixiyay faallooyin dhowr ah oo naceyb ah oo ku-soo-baxay boga mareegaha Greekrank.
Madashan oo aan xidhiidh la lahayn jaamacadda balse ay adeegsadaan in badan oo ka mid ah ardaydeeda ayaa lagaga hadlaa walaaltinimada iyo soo dhawaynta nolosha ee dhowr xarumood.
Qoraalada magaciisu ahaa “hamas” ayaa cinwaan looga dhigay “haddi aan arko Yuhuudi kale”.
Qoraalku wuxuu adeegsatay aflagaado loola jeeday dadka Yuhuudda ah hanjabaado iyo kufsiga ragga Yuhuudda ah, haweenka iyo dhallaanka.
Isticmaaluhu wuxuu ku hanjabay inuu qori keeni doono jaamacadda si uu u laayo dadka Yuhuudda ah.
Molly Goldstein, oo madax ka ah Xarunta Cornell ee Nolosha Yuhuudda, ayaa CNN u sheegtay: “Ardayda Yuhuudda ee hadda ku jirta jaamacadda aad ayay uga argagaxsan yihiin noloshooda.
“Weligay ma fileyn in tani ay ku dhici doonto dhismaha jaamacadda.”
Hanjabaadaha ka dhanka ah bulshada Yuhuuda ee Cornell ayaa imanaya iyada oo ay jiraan warbixino sheegaya inay sii kordhayaan dhacdooyinka nacaybka dalka oo dhan ah .
Isaga oo la hadlayay guddiga Congress-ka Salaasadii, Agaasimaha FBI-da Christopher Wray ayaa u sheegay sharci-dajiyayaasha in xadgudubka nacaybka uu gaadhayo “heerar taariikhi ah” gudaha Mareykanka.
Colaadda Israa’iil iyo Qaza ayaa sii kordheysa xiisadda ka dhex aloosan ardayda dhigata xarumaha Mareykanka.
Todobaadki hore booliis ayaa looga yeeray jaamacadda George Washington ka dib markii ardaydu saadaaliyeen fariimo taxane ah oo qaar ka mid ah kooxaha Yuhuuda ay u arkeen inay lid ku yihiin dhanka maktabadda jaamacadda.
Shirkad sharci yaqaan ah ayaa dhawaan laashay shaqo ay u fidisay saddex arday oo Ivy League ah oo xidhiidh la leh waraaqo muujinaya taageerada Falastiiniyiinta oo Israel ku eedaysay weerarada Xamaas.