Hargeysa(Dawan):Wasiirka Wasaarada Xidhiidhka Goleyaasha iyo Dastuurka Cabdinaasir Muxumed Xasan Buuni ayaa jawaab ka bixiyay hadalo ka soo yeedhay Xidhibaano ka tirsan Golaha Baarlamaanka oo ka soo horjeestay heshiiskii isafgarad ee Somaliland iyo Itoobiya.
Cabdinaasir Muxumed Xasan oo shalay Warbaahinta la hadlay ayaa uu sheegay in Gobalada Awdal iyo Selel in aanay ku metalin hadalada ka soo yeedhay Xildhibaanadaas.
Cabdinaasir Buuni oo Arimahaa ka hadlayayna.Waxa uu yidhi”Waxa ka dhashay heshiiskii taariikhiga ahaa ee isafgarad ee Somaliland iyo Itoobiya cadawtinimo iyo cadaawad soo jireen ah,oo ay wadaan nimankaa Soomaaliya ee aynu kala baxnay.nimanka Saddexda qof ee hadlay ee ka soo kala jeeda Golaha Wakiilada iyo Golaha Guurtida ee sheegay in ay ka soo hor jeedaan heshiiskii isafgarad ee Somaliland iyo Itoobiya.ma metalaan Gobolada Awdal iyo Selel meel arintaa lagaga tashadayna ma jiraan meel ay wakiil kaga yihiina ma jirto,”
