shirkadda Panasonic ayaa markii ugu horeysay soo saartay qalab qofka luuqadiisa u turjumi kara luuqadaha kale ee dadka caalamku ku hadlaan,iyada oo uu qofku dooranaayo luuqada uu doonaayo inuu ku hadlo.
qalabkan ayaa luuqada aad ku hadlayso marka uu turjumo ka dhigaaya mid dhawaaq ahaan aad u dheer,taas oo u fududaynaysa inuu qofku la hadli karo cida uu doonaayo inuu la hadlo.
shirkaddan Panasonic ayaa qalabkan u bixisay Megaphone,kaas oo dhowaan la ikhtiraacay,waxaana markii ugu horeysay lagu tijaabiyey magaalada Tokyo ,gaar ahaana madaarka Tokyo International Airport,iyada oo ay isu bedeshay labada luuqadood ee Japanes-ka io English-ta.
sidoo kalena qalabkan waxa lagu tijaabiyey luuqadaha Chines-ka iyo Korean-ka,kuwaas oo dadku u fahmeen si dhib yar.
shirkaddan ayaa soo samaysay videos ay kasoo duubtay dad isticmaalaaya,kuwaas oo ay adeegsanayeen dumar shaqaalaha madaarka ahi,waxaanay si cod sare ah ugu yeedhayeen dadka Japaness ka ah ,kuwaas oo ay kamid ahaayeen (The Bus Will Arrive Soon),oo ah in basaska dadka qaadayaan hore u iman doonaan.
waxaanay markiiba u bedelaysay luuqadaha Chiness-ka iyo Korean ka ah,taas oo aydadku aad u soo dhoweeyeen.
dadka isticmaaleyaasha ah ayaa iyaguna si fudud u dooran kara luuqada ay doonayaan ,iyaga oo loo sameeyey meelo Screen Touch ah oo laga dooranaayo luuqadahaasi.
qalabkan ayaa weli ah mid ku jira tijaabooyinkii kowaad ee iyada oo sidoo kalena lagu daray qayb Carabi ah,taas oo loogu talo galay dadka Carbeed inay fahmaan laguna hago.
