Cunitaanka joogtada ah ee kalluunka waxa uu ka caawiyaa dadka, kana hor tagaa xanuunno badan oo halis ah.
Saliidda kalluunka loo yaqaan Salmon waxa uu leeyahay oo uu qani ku yahay duxda loo yaqaan (omega-3 fatty acids)
Kalluunku waa cunto runtii aad u muhiim ah, waxaana ka buuxa fiitamiino iyo macdanno, kuwaasoo ay ugu muhiimsan tahay duxda (omega-3 fatty acids), kalluunku waxa uu awood u leeyahay ka hortaga xanuunnada Kansarka, murugada badan (depression) ee keenta madax xanuunka.
Lix faa’iido ee ay kalluunka cunitiisu leedahay:
Waxa uu la dagaalamaa wadne xanuunka
Waa caadi waxay khabiirada caafimaadku ku talinayaan in ugu yaraan laba jeer todobaadkii la cuno kalluun fireesh ah.
Xarunta ka hortaga wadne ee dalka Ingiriiska (British Heart Foundation) ayaa sheegtay in cunitaanka kalluunku ay hoos u dhigto khatarta cudurrada ku dhaca wadnaha, waxaanu kor u qaadaa fursadaha badaadiya heart wadne istaaga. Sidoo kale waxa uu hoos u dhigaa heerka subaga dhiiga. Waxa kale oo ay saliidda kalluunka la aaminsan yahay inay xidh-xidhnaanta dhiiga, taasoo sababi karta khatar ku timaada shaqada wadnaha .
Waxa uu caawiya maskaxda iyo shaqadeeda
Duxda laga helo saliidda kalluunku waxay ka hor tagtaa khatarta ama dhaawaca ku yimaada unugyada maskaxda. Isticmaalka kalluunku waxay sidoo kale hoos u dhigtaa dhiig-karka, taasoo xidhiidh la leh inay si fiican u shaqayn waydo maskaxdu. Daraasad Faransiiska laga sameeyay dad gaadhaya 2000 oo qof waxay soo saartay in dadka cuna cuntada badda todobaadkii hal mar inay faa’iido u leedahay hoos u dhiga xanuunnada maskaxda saameeya, marka loo eego dadka aan cunin kalluunka muddo todoba sanno ah.
Waxa uu kalluunku la dagaalamaa xanuunka Kansarka.
Daraasad laga sameeyay 6000 oo qof oo rag ah muddo sodon sanno ah waxay iyaduna soo saartay in qofka aan cunin kalluun oo uu halis u yahay kansarka ku dhaca qanjidhada, marka loo eego qofka si caadi ah u isticmaalka kalluunka noocyadiisa kala duwan.
Cunitaanka kalluunku waxa uu hoos u dhigaa warwarka
Waxay warbixinuhu sheegaan in isticmaalka kalluunku uu hoos u dhigo warwarka. Sidoo kale waxa la aaminsan yahay inuu kor u qaado waxlaha ay u baahan tahay shaqada maskaxdu.
Waxa uu ka hortagaa xanuunnada madaxa saameeya
Bulshada cunta kalluunku waxay ka badbaadaan xanuunnnada ku dhaca madaxa, sida xumadda badan, dhan-jafka iyo dawakhaada.
Waxa uu u Fiican yahay dubka jidhka
Marka loo eego daraasado badan oo laga sameeyay meelo kala duwan oo caalamka ah kalluunka, gaar ahaan cunitaanka noociisa loo yaqaan salmon waxa uu caawiyaa dubka jidhka bani’aadamka, isla markaana waxa uu ka ilaaliyaa coodh-coodhka.
Noocyada kalluunka ee ugu faa’iidada badan waxa ka mid ah:
Kalluunka Cad, waxaana ku badan macdanaha iyo barotiinada hoos u dhiga subaga dhiiga.
Saliidda noocyada kalluunka, sida sardines, pilchards, salmon and mackerel, waxay leeyihiin duxda omega-3 oo faa’iido badan leh.
Kalluunka Crab, lobster and mussels waxay la dagaalamaan xanuunka Kansarka iyo guud ahaan saliidda kalluunku.
Qoraalkan yaree kooban waxa aan idinkula wadaagi doonaa Noocyada kalluunka ee laga helo biyaha dhulweynaha soomaaliyeed(Somaliland iyo Somalia)aad ayay u badanyihin, wayna kala noocyo duwanyihin. Waxa aynu ka soo qaadan doonaa noocyada ugu caasan. Balsi ay inoola wadaagaan bulsho badan oo aan aqooon, u lahayn khayraadka jiifa biyahooda. Taasina ay keentay in laga faa’iidaysan kari waayay nimcada alla ina siiyay. Haddaba waa kuwan noocyadii kalluunku
Taraqaad
Tebedin
Qashaar
Tartabo
Carabo
Shooli
Shucbaan
Gaduudo
Gaangish
Daanbiri
Gaxash
Aargoosato
Samaduul
Manguugi
Seeseeman
Shiiraan
Caydi
Cangub
Jeedar
Fangalaato
Caanood
Cawar
Caalo
Yaaquuri.