Burco(Dawan):-Dawladda Hoose ee Magaalada Burco ee xarunta gobolka Togdheer, ayaa Shalay dhagax dhigtay shan waddo oo laga hirgalin doono xaafadaha magaalada qaar ka mid ah.
Maayar ku Xigeenka Magaalada Burco Mukhtaar Cabdi oo hadal ka jeediyay dhagax dhiga shanta waddo ayaa sheegay in laga dhisayo Cashuurtii dadka laga qaaday,waaxanu usoo jeediyay shacabka in ay ka qayb qaataan horumarka.Waxaanu yidhi”Waxa Waddada lagu samaynayaa waa cashuurta Muwaadiniinta laga soo qaado,markaa waa in si hufan loo soo bixiyo cashuurta. dadka reer Burco waa in ay ka qayb qaataan horumarka degmada Burco ka socda,”.
Xoghayaha Dawladda Hoose ee Burco Cismaan Maxamed Sheekh Cismaan oo hadal ka jeediyay halkaas ayaa tilmaamay in Waddooyinka ay dhagaxdhigeen yihiin casri.Waxaanu yidhi”Waxa aynu dhagax dhigaynaa shan waddo oo casriya waxa aanu leenahay dadka reer Burco is garabtaagiinu waa daruuri,”.
Sidoo kale shacabka Xaafadaha Magaalada Burco ee laga hirgalinayo waddooyinkan ayaa soo dhaweeyay ugana mahadnaqay Dawladda Hoose ee Burco dhagaxdhigan.