Nigeria ayaa gubtay hilib xayawaan oo lagu qiimeeyey $1.4m (£1.2m) kaas oo loo tahriibinayey Shiinaha yahay sidaana waxa sheegay saraakiisha.
Ku dhawaaqistan ayaa noqonaysa markii ugu horeysay oo dalkan Galbeedka Afrika uu meel fagaare ah ku burburiyo badeecooyinka duurjoogta ah ee la qabtay si loo niyad jabiyo ka ganacsiga sharci darrada ah.
Hilibkan ayaa u badnaa xayawaanka loo yaqaano Pangolin ama Qarandida, oo ah xayawaan aan inta badan la arkin oo halis ugu jira inuu dabar go’o, waa mid ka mid ah naasleyda ugu badan ee laga ganacsado hilibkiisa . Hilibkooda ayaa si aad ah loogu baahan yahay siiba daawo dhaqameed Shiinuhu sameeyo.
Nigeria waxa ay noqotay xudunta ugu weyn ee ay maraan hilibka pangolin-ka Afrika iyo badeecooyinka kale oo duurjoogta ka yimaada oo loo dhoofiyo Aasiya.
“Burburinta alaabtan la qabtay waa bayaan xooggan oo aan ku go’aansanay inaan ilaalino deegaankeena, ilaalinta duur-joogtayada, iyo la dagaalanka ganacsiga sharci-darrada ah ee u horseedaya xayawaanka qarka u saaran inay dabar-go’aan,” Aliyu Jauro, agaasimaha guud ee heerarka deegaanka qaranka. Hay’adda Nidaaminta iyo Dhaqangelinta (NESREA) ayaa u sheegtay warfidiyeenka, iyada oo intaa ku dartay in Miisaanka Pangolin-ka ee la burburiyay uu gaadhayo afar tan.