Hargeysa(Dawan):-Wasiirka Wasaarada Isgaadhisiinta iyo Tignoolajiyadda Cabdiwali Sheekh Cabdilaahi Sheekh Suufi Jibriil ayaa sheegay in ka wasaarad ahaan ay ka go,an tahay in la casriyeeyo ku shaqaynta adeegyada Tignoolajiyadda.
Cabdiwali Sheekh Cabdilaahi oo hadal ka jeediyay daahfurka hannaanka casriga ah ee adeegyada Dawladaha Hoose ee shan Degmo oo shalay ka furmay Magaalada Hargeysa
ayaa waxa uu tilmaamay in Mashruucan kor loogu qaadayo adeeg bixinta.
Cabdiwali Sheekh Cabdilaahi oo Arimahaasi ka hadlayayna.Waxa uu yidhi”Waxa noo farxad ah ka Wasaarad ahaan in Maanta(shalay) daahfurno Mashruuca in la casriyeeyo adeegyada shan degmo oo ka mid ah dawladaha hoose ee dalka.waxaana yoolku yahay in adeegyada laga dhigo qaar casriya.waxaana aanu u taaganahay Wasaarada ahaan in kor loo qaado ka faa,iidaysiga Tignoolajiyadda oo wax badan ku soo kordhiyay nolosha Bini,aadamka.gaar ahaan marka noqoto adeeg bixinta dawlada qofka reer Somaliland in taas oo Xafiis oo dawladeed ayuu uga baahanyahay in uu ka helo adeeg,markaa in si guud looga faa,iidaysto Tignoolajiyadda ayaa mashruucani yahay.waana mid ka mida Mashaariicda lagu horumarinayo dawladaha hoose oo iyaga laftiguuduna shaqo weyn qabta,waxaana mashruucani qayb ka yahay maamul daadajinta oo daatuurku qorayo.waxaana weeye adeegii degmada la geeyay in la casriyeeyo haday noqoto Cashuur bixintii iyo adeegyada kale waxaanay kor u qaadaysaa adeeg bixintii,”.