Hargeysa(Dawan) Wasaarada Horumarinta Caafimadka ayaa shalay agab Caafimaad iyo Dawooyin kala wareegay Hay,adda Caafimaad aduunka ee WHO.
Agaasimaha guud ee Wasaaradda Horumarinta Caafimaadka Dr.Maxamed Cabdi Xegeeye oo kala wareegay dawooyinka iyo agab caafimaad kala Hay’adda WHO ayaa waxaa uu sheegay in agabkani uu wax ka tari doono baahiyaha Caafimaadka,
Dr.Maxamed Cabdi Xegeeye oo ka hadlayay Dawooyinkan iyo agabkan uu kala wareegay WHO.Waxa uu yidhi”Waxa aanu la wareegaynaa agab Caafimaad oo Hay,adda WHO ku wareejinayso oo ugu deeqayso Wasaarada Horumarinta Caafimaadka,waxaana aanu la wareegaynaa Mishiinka kagu baadhayay Xanuunka xumada. marar horena waxa aanu kala wareegnay WHO agabkan oo kale oo lagu baadhi doono xanuunka xumada,waxa kale oo aanu la wareegaynaa dawooyin kala duwan oo iskugu jira kuwii afka laga qaadanayay iyo kuwii laysku mudayay oo dhinaca caruurta ah ee nafaqo daradu hayso.waxaana uu wax ka tari doonaa baahiyaha Caafimaadka ay qabaan xarumaha Caafimaadka ee hoos yimaada Wasaarada Caafimaadka,”.
Sidoo kale Saraakiil ka socday Hay,adda Caafimaadka Aduunka ee WHO oo hadal ka jeediyay halkaas waxa ay sheegeen in dhinaca Caafimaadka,isla,markaana ay sii wadayaan wada shaqaynta ka dhaxaysa Wasaarada Caafimaadka.