Madaxweynaha Cusub ee Liberia oo Dhammaysan Kari Waayey Xafladdii Caleema Saarkiisa

0
89

Madaxweynaha cusub ee Liberia Joseph Boakai ayaa dhakhaatiirtiisu ay ku dhawaaqeen in in caafimaadkiisu taam yahay sida uu sheegay xafiiskiisu. 79-jirkan ayaa ku guul dareystay inuu gaadho dhamaadka khudbadiisii ​​caleema saarka, waxaana qasab noqotay in laga caawiyo madasha xaflada dhaarinta ee Isniintii.

Xafiiskiisa ayaa sheegay in uu la kulmay daal kuleyl balse uu hadda dib u bilaabay howlihiisa caadiga ah.

Walaaca laga qabo caafimaadka Mr Boakai ayaa ahayd arrin weyn intii lagu jiray ololihii doorashada ee sannadkii hore.

Waxa uu si dirqi ah kaga guuleystay madaxweynaha xilka ka degaya, oo 57 jir ah xiddigii hore ee kubadda cagta George Weah, doorashadii ku celiska ahayd ee bishii November. Mr Boakai ayaa ku dhawaad ​​30-daqiiqo ka hadlayay xafladii caleema saarkiisa, waxaana cadaatay inuu dhibaato kala kulmayo sii wadida hadalka waana la joojiyey.

Waxaa hore loogu dhaariyay inuu noqdo madaxweynihii ugu da’da weynaa abid ee Liberia, ka dib xaflad bannaanka ah oo ka dhacday dhismaha Capitol, oo ah xarunta baarlamaanka ee caasimadda, Monrovia. Heerkulku wuxuu gaadhay in ka badan 30C xaaladaas ayaa ku keentay dhidid badan.

Muqaal muqaal ah oo laga soo duubay xaflada ayaa muujinayey nin waraaqo ku babinaya wejiga Mr Boakai ka hor inta aan la qaadin madashii.

“Dhakhaatiirtiisu waxay caddeeyeen inuu fiican yahay,” sida uu sheegay Charles Snetter oo ka tirsan xafiiska madaxweynaha. Sarkaal ka tirsan xisbiga Mr Boakai ayaa wakaaladda wararka ee AFP u sheegay in madaxweynaha aan la geynin isbitaalka.

“Madaxweynuhu waa caadi, si fiicanna wuu u shaqaynayaa,” ayuu yidhi Amos Tweh oo ka tirsan xisbiga Boaki. Mr Boakai ayaa ilaa 2018-kii ahaa madaxweyne ku xigeen ku guuleystay abaalmarinta Nobel Peace Prize ee dowladda Ellen Johnson Sirleaf, waxaana uu u tartamay xilka madaxweynaha isaga oo wata calanka xisbiga United Party (UP).

Waxa uu Mr Weah kaga adkaaday in ka badan 20,000 oo cod markii la dhiibtay wareegii labaad.

Mr Boakai ayaa sidoo kale u tartamay xilka madaxtinimada sanadkii 2017-kii, balse waxa uu ka adkaaday Mr Weah oo noqday madaxweynihii da’da yaraa ee Liberia.