Maleeshiyada Daacish (IS) ayaa la sheegay in ay galeen kaamka qaxootiga Falastiiiniyiinta Yarmouk ee ku yaal Damascus.
Isku dhacyo ayaa dhexmarey maleeshiyada iyo kooxo ku sugan gudaha kaamka, haseyeeshee Daacish ayaa qabsadey qeybo ballaadhan oo kaamka ah.
QM ayaa sheegaysa in ay ilaa 18,000 oo qaxooti falastiiniyiin ahi ku jiraan gudaha kaamkaasi gacanta u galey Daacish.
Maleeshiyada IS ayaa qabsadey dhul ballaadhan oo bariga Siiriya iyo galbeedka Ciraaq ah.
Haseyeeshee tani waa weerarkii ugu horeeyay ee kooxdu ku qaaday wadnaha caasimada Siiriya.
Ma jiro war rasmi ah oo ka soo baxay IS oo ku saabsan tallaabadan.
