Caynaba (Dawan) Masuuliyiin ka socota hay’adda Qaxoontiga iyo Barakacayaasha Qaranka ayaa maanta kormeer ku soo maray lix kaam oo ka dhisan gobolka Saraar.
Ujeedad kormeerka ayaa ahayd mid u kuurgalida iyo sidii xog dhamaystiran looga heli lahaa baahiyaha ka jira kaamamka dhexdooda iyo sidii loo heli lahaa xog dhamaystiran oo ay ku hawl gasho hay’addu, waxaanay mid mid u waraysteen dhamaan guddida kaamakaasi iyo qaarka mida dadka dagan kaamamka.
Waxaana ka mid ahaa masuuliyiintaasi isu-duwaha gobolka Saraar ee hay’adda qaxoontiga iyo barakacayaasha , agaasimaha waaxda barakacayaasha , agaasimaha waaxda qorshaynta iyo madaxa kaamamka ee hay’adda.
Dadka ku xaraysan Kaamamkan ayaa ah bulshadii ku caydhowday abaarihii kala danbeeyay ee dalka ka dhacay.